காய்கறி புளிக் குழம்பு

புளிக் குழம்பில் காய்கறிகள் சேர்த்து சுவையாக சாப்பிடலாம்.

Preparation Time : 10 நிமிடங்கள்

Cooking Time : 20-30 நிமிடங்கள்

Serves : 3-4

Ingredients:

புளி – 1" அளவு உருண்டை / பெரிய நெல்லிக்காய் அளவு
சின்ன வெங்காயம் – 12 அல்லது 1 வெங்காயம் சிறியது
தக்காளி - 1/2
பூண்டு - 2 சிறிய பல்லு
பச்சை மிளகாய் - 1
முருங்கைக்காய் - 1/2
கத்திரிக்காய் - 3
கேரட் - 1/2
சுரைக்காய் - 5௦ கிராம் அல்லது 1/3 நடுத்தர அளவு
கொண்டைக்கடலை - 50 கிராம் (விரும்பினால்)
கறிவேப்பிலை - 1 கொத்து
வெந்தயம் - 1 தேக்கரண்டி
தேங்காய் பால் - 150 மில்லி
வெந்நீர் - 200 மில்லி
எண்ணெய் - 2 மேசைக்கரண்டி
தண்ணீர் - தேவைக்கேற்ப
உப்பு - சுவைக்கேற்ப

மசாலாத் தூள்::

மஞ்சள் தூள் - 1/8 தேக்கரண்டி

மிளகுத் தூள் -1/4 தேக்கரண்டி

மிளகாய்த் தூள் - 1 தேக்கரண்டி

மல்லித் தூள் - 3 தேக்கரண்டி

Method:

புளியைக் கழுவி சில நிமிடங்கள் வெந்நீரில் ஊற வைக்கவும்.
முருங்கைக்காயை 3-4 துண்டுகளாகவும், ஒவ்வொரு கத்திரிக்காயையும் 3-4 துண்டுகளாகவும், கேரட்களை சிறிய துண்டுகளாகவும், சுரைக்காயைபெரிய துண்டுகளாகவும் நறுக்கிக்கொள்ளவும். கொண்டைக்கடலை சேர்ப்பதானால், அதை 2 மணி நேரம் ஊற வைத்து தனியாக வேக வைத்து கொள்ளவும்.
வெங்காயம், தக்காளி மற்றும் மிளகாயை வெட்டி வைக்கவும். கறிவேப்பிலையை கழுவிக் கொள்ளவும்.
ஊற வைத்த புளியைப் நன்றாக பிழிந்து, புளிக் கரைசலை வடிகட்டி தனியாக எடுத்து வைக்கவும்.
ஒரு பாத்திரத்தை சூடாக்கி எண்ணெய் ஊற்றவும்.எண்ணெய் சூடானதும், வெந்தயம் மற்றும் கறிவேப்பிலை சேர்த்து 1 நிமிடம் வறுக்கவும்.
நறுக்கிய வெங்காயம், பூண்டு, மிளகாய், தக்காளி மற்றும் நறுக்கிய காய்கறிகளை சேர்த்து சில நிமிடங்கள் வறுக்கவும். கொண்டைக்கடலை சேர்ப்பதானால், இப்போ சேர்க்கவும்.
மஞ்சள் தூள், மிளகாய்த் தூள் மற்றும் மல்லித் தூள் சேர்த்து 1 நிமிடம் வறுக்கவும்.
புளிக் கரைசல், 1 கப் தண்ணீர் மற்றும் உப்பு சேர்த்து மூடி காய்கறிகள் வேகும் வரை சமைக்கவும்.
கடைசியில் தேங்காய் பால் சேர்த்து சில நிமிடங்கள் கொதிக்கவிடவும்.

Notes:

<a href="/recipes/marrow-dhal-curry">பருப்பு சுரைக்காய்</a>, <a href="/recipes/Cabbage-Fry"> முட்டைகோஸ் பொரியல்</a> மற்றும் சாதத்துடன் சாப்பிடத் தகுந்தது. <a href="/recipes/Tamarind-egg-omlette-curry">ஆம்லெட் புளிக் குழம்பையும்</a> மற்றும் <a href="/recipes/Tamarind-egg-curry">முட்டை புளிக் குழம்பையும்</a> செய்து பார்க்கலாம்.