டூனா சான்ட்விச்   டின் டூனா கிடைத்தால் டோஸ்டட் டூனா சான்ட்விச்சை விரைவாக செய்து ருசியாக சாப்பிடலாம். Preparation Time : 10 நிமிடங்கள் Cooking Time : 10-15 நிமிடங்கள் Ingredients: பிரட் துண்டுகள் - 8 சமைத்து வடிகட்டிய டின் மீன் (டூனா ) - 225 கிராம் சிவப்பு வெங்காயம் – 1 சிறியது குடை மிளகாய் – 1/4 நடுத்தர அளவு சீஸ் (Cheddar cheese) - 75 கிராம் நுணுக்கிய மிளகு - 1/2 தேக்கரண்டி வெண்ணெய் அல்லது நெய் - 20 கிராம் அல்லது 1 மேசைக்கரண்டி மயோனைஸ் - 3 மேசைக்கரண்டி ( விரும்பினால் ) Method: மீன் துண்டுகளை வடிகட்டி ஒரு பாத்திரத்தில் வைக்கவும். வெங்காயம், குடை மிளகாயை நறுக்கிக்கொள்ளவும். சீஸைத் துருவிக்கொள்ளவும். மீன் துண்டுகள், வெங்காயம், குடை மிளகாய், நுணுக்கிய மிளகு மற்றும் மயோனைஸ் ஆகியவற்றை சேர்த்து நன்றாக மசித்துக் கொள்ளவும். பிரடின் இரு புறமும் வெண்ணெய் தடவி கொள்ளவும். மீன் கலவையை ஒரு பிரட் துண்டு மீது வைத்து பரப்பவும். அதன் மீது துருவிய சீஸை சேர்த்து அதை இன்னொரு பிரட் துண்டால் மூடவும். மேல் கண்ட செய்முறையை அனைத்து பிரட் துண்டுகளுக்கும் பின்பற்றவும். அவற்றை சான்ட்விச் டோஸ்டரில் 3-4 நிமிடங்கள் டோஸ்ட் செய்யவும். Notes: சீவிய வெள்ளரிக்காய் மற்றும் தக்காளியை கூட பிரட் துண்டுகளுக்கு நடுவே வைக்கலாம். காரமாக வேண்டுமென்றால். <a href="/recipes/toasted-keema-sandwich">கீமா சான்ட்விச் மாதிரி</a> மசாலா செய்து ப்ரெட் நடுவில் வைக்கலாம்.