சுரைக்காய் கூட்டு

சுரைக்காயை பருப்புடன் சேர்த்து கூட்டாக சமைத்தால் சுவையாக இருக்கும்.

Preparation Time : 10 நிமிடங்கள்

Cooking Time : 10-15 நிமிடங்கள்

Serves : 2-3

Ingredients:

சுரைக்காய் – 1 சிறியது அல்லது 1/2 பெரியது
பாசி பருப்பு – 75 கிராம் அல்லது 1/3 டீகப்
மஞ்சள் தூள் – 1/8 தேக்கரண்டி
காய்ந்த மிளகாய் – 2 மிதமான காரத்துக்கு அல்லது
3 அதிக காரத்துக்கு
ஜீரகம் – 1/2 தேக்கரண்டி
துருவிய தேங்காய் – 2 மேசைக்கரண்டி
சோம்பு – 1/2 தேக்கரண்டி
கருவேப்பிலை – சில (விரும்பினால்)
எண்ணெய் – 1/2 தேக்கரண்டி
நெய் – 2 தேக்கரண்டி
கடுகு – 1/2 தேக்கரண்டி
உப்பு – சுவைக்கேற்ப
தண்ணீர் – தேவைக்கேற்ப

Method:

பருப்பை அலசி வடிக்கவும்.
காயை சீவி, 2 cm துண்டுகளாக வெட்டவும்.
பிரஷர் குக்கரை சூடாக்கி, பருப்பு, 15௦ மில்லி தண்ணீர் மற்றும் மஞ்சள் தூள் சேர்க்கவும்.
குக்கரை மூடி பிரஷரில் சமைக்கவும். முதல் விசில் வந்தவுடன் அடுப்பை அணைத்து பிரஷர் அடங்கியவுடன் திறக்கவும்.
தனியாக ஒரு வாணலியில், நறுக்கிய காய், உப்பு மற்றும் மீதமுள்ள மஞ்சள் தூள் ஆகியவற்றை சேர்த்து சமைக்கவும்.
ஒரு சிறிய கடாயை சூடாக்கி, தேங்காய், ஜீரகம், சோம்பு மற்றும் காய்ந்த மிளகாய் ஆகியவற்றை சேர்த்து சில நிமிடங்கள் வறுக்கவும். ஆறியதும் அரைக்கவும்.
அரைத்த கலவை மற்றும் சமைத்த பருப்பு ஆகியவற்றை சமைத்த காயுடன் சேர்க்கவும். தேவையான தண்ணீர் சேர்த்து சில நிமிடங்கள் கொதிக்க வைக்கவும்.
ஒரு சிறிய கடாயில் எண்ணெய் ஊற்றி, கடுகு மற்றும் கருவேப்பிலை சேர்த்து தாளிக்கவும்.
தாளித்ததை காய் வாணலியில் சேர்த்து கிளறவும்.
நெய் சேர்த்து கிளறி பரிமாறவும்.

Notes:

மாறுதலுக்கு <a href="/recipes/Spinach-Dhal-curry-02">கீரை மற்றும் பருப்பு கூட்டு</a>, <a href="/recipes/Marrow-Dhal-curry">பருப்பு சுரைக்காய்</a>, <a href="/recipes/Marrow-stirfry">சுரைக்காய் பொரியல்</a> அல்லது <a href="/recipes/Green-Tomatoes-and-lentils-curry">பச்சை தக்காளி கூட்டு</a> செய்து பார்க்கலாம். சுரைக்காய்க்கு பதிலாக சௌசௌ/ பூசணி/ பச்சை தக்காளி அல்லது புடலங்காய் சேர்க்கலாம்.