| கத்திரிக்காய் பச்சடி
|  |
 |
| |
| கத்திரிக்காய் பச்சடி எல்லா வகை பிரியாணிக்கும் தொட்டுக் கொள்ள உகந்ததாகும். |
|
|
Preparation Time : 10 நிமிடங்கள்
|
|
Cooking Time :
45-60 நிமிடங்கள்
Serves :
8-10
|
| Ingredients: |
- கத்திரிக்காய் - 750 கிராம்
- வெங்காயம் - 250 கிராம் அல்லது 2 நடுத்தர அளவு
- தக்காளி - 300 கிராம் அல்லது 5 சிறியது
- பூண்டு - 4 பற்கள்
- மிளகு - 1/2 டீஸ்பூன்
- பச்சை மிளகாய் - 1
- மிளகாய் தூள் - 2 டீஸ்பூன்
- மஞ்சள் தூள் - 1_2 டீஸ்பூன்
- தக்காளி ப்யூரி(Puree) - 1 டீஸ்பூன் (விருப்பப்பட்டால்)
- கறிவேப்பிலை - 1 கொத்து
- நிலக்கடலை - 30 கிராம்
- வெள்ளை எள் - 2 டேபிள் ஸ்பூன்
- வெந்தயம் - 1/2 டீஸ்பூன்
- கடுகு - 1/2 டீஸ்பூன்
- சீனி - 1 டீஸ்பூன்
- நல்லெண்ணெய் - 20 மிலி
- சன்பிளவர் ஆயில் - 100 மிலி
- புளி - 1 ½" உருண்டை
- வெதுவெதுப்பான நீர் - 100 மிலி
- தண்ணீர் - தேவைக்கேற்ப
|
| Method: |
- கத்திரிக்காயை 3 இஞ்ச் நீளம், 1 செமீ அகலமுள்ள துண்டுகளாக நறுக்கிக் கொள்ளவும்.
- வெங்காயம், தக்காளி மற்றும் பச்சை மிளகாயையும் நறுக்கி வைத்துக் கொள்ளவும்.
- 50 மிலி வெதுவெதுப்பான நீரில் புளியை 5-6 நிமிடங்களுக்கு ஊற வைத்துக் கொள்ளவும்.
- புளியைக் கரைத்து, பிழிந்து, வடிகட்டி புளித்தண்ணீரை தனியாக வைத்துக் கொள்ளவும்.
- சன்பிளவர் எண்ணெயில் கத்தரிக்காய்களை கொஞ்சம் கொஞ்சமாக போட்டு பொரித்து எடுத்து தனியாக வைத்துக் கொள்ளவும்.
- கடுகு மற்றும் வெந்தயத்தை வாணலியில் எண்ணெய் விடாமல் 1-2 நிமிடங்களுக்கு வறுத்து, ஆறியதும் பொடி செய்து வைத்துக் கொள்ளவும்.
- நிலக்கடலையை தனியாக வாணலியில் எண்ணெய் விடாமல் பொன்னிறமாகும் வரை வறுத்து வைத்துக் கொள்ளவும்.
- அதேபோல் எள்ளையும் 1-2 நிமிடங்களுக்கு வறுத்து, நிலக்கடலையுடன் சேர்த்து தண்ணீர் விடாமல் கரகரப்பாக பொடி செய்து கொள்ளவும்.
- கத்திரிக்காயை பொரித்து எடுத்த அதே எண்ணெயில், கறிவேப்பிலை, மிளகு, பூண்டு மற்றும் வெங்காயம் சேர்த்து பொன்னிறம் ஆகும் வரை வதக்கவும்.
- பின்னர் அதனுடன் தக்காளி, மஞ்சள் தூள், மிளகாய் தூள், தக்காளி ப்யூரி மற்றும் கடுகு, வெந்தயப் பொடி ஆகியவற்றை ஒன்றன்பின் ஒன்றாக சேர்த்து மேலும் 5-6 நிமிடங்களுக்கு வதக்கவும்.
- இப்போது அதனுடன் புளித்தண்ணீர், சீனி, உப்பு, மற்றும் சிறிது தண்ணீர் சேர்த்து கொதிக்க விடவும்.
- பொரித்து வைத்துள்ள கத்திரிக்காயை இதனுடன் சேர்த்து சில நிமிடங்கள் வேக விடவும்.
- காய் வெந்ததும் பொடி செய்து வைத்துள்ள நிலக்கடலை, எள் கலவையை சேர்க்கவும்.
- இறுதியில் நல்லெண்ணெய் சேர்த்து மேலும் 2-3 நிமிடங்களுக்கு அடுப்பில் வைக்கவும்.
- கறிவேப்பிலை தூவி அலங்கரிக்கவும்,
|
|