பிஸிபெலாபாத் (சாம்பார் சாதம்)   இது ஒரு தென்னிந்திய வகை சாதம். பருப்பு, காய்கறிகள் மற்றும் இந்திய மசாலாக்கள் சேர்த்து எளிமையாக தயாரிக்கப்படும் இந்த சாதத்தை சுடசுட சாப்பிட பலருக்கும் பிடிக்கும். Preparation Time : 10 நிமிடங்கள் Cooking Time : 15-20 நிமிடங்கள் Ingredients: வேகவைத்த சாதம் - 5 கப் துவரம் பருப்பு - 150 கிராம் அல்லது 3/4 கப் சின்ன வெங்காயம் (சாம்பார் வெங்காயம்)- 75 கிராம் அல்லது 12-14 பூண்டு - 1 பல் தக்காளி - 1 சிறியது முள்ளங்கி - 50 கிராம் அல்லது 1/4 நடுத்தர அளவு முருங்கைக்காய் - 1/2 மஞ்சள் தூள் - 1/4 டீஸ்பூன் சாம்பார் பொடி - 2 டீஸ்பூன் மிளகாய் தூள் - 1/2 டீஸ்பூன் வறுத்து நுணுக்கிய தனியா தூள் - 1 டீஸ்பூன் நெய் -3 டீஸ்பூன் புளி - 1/2 நெல்லிக்காய் அளவு சுடு நீர் - 150 மி.லி எண்ணெய் - 2 டேபில் ஸ்பூன் காய்ந்த மிளகாய் - 1 கடுகு - 1 டீஸ்பூன் கறிவேப்பிலை - 1 கொத்து பெருங்காயத்தூள் - 1 சிட்டிகை கொத்தமல்லி இலை - சிறிதளவு தண்ணீர் - தேவைக்கேற்ப Method: துவரம்பருப்பினை நீர் விட்டு அலசி குக்கரில் மஞ்சள் தூள், பூண்டு தண்ணீர் விட்டு 3 விசில் வரை வேகவிடவும். முருங்கக்காயை 4-5 துண்டுகளாக நறுக்கவும். இதே போல் முள்ளங்கி, வெங்காயம் மற்றும் தக்காளியை தடிமனாக நறுக்கவும். காய்கறிகளை வேகவைத்த பருப்புடன் சேர்த்து ஒரு விசில் வரை வேக விடவும். புளியை அலசி சுடு நீரில் சில நிமிடங்கள் ஊற வைத்து, பின்னர் அதனை நன்கு கரைத்து புளித் தண்ணீர் எடுத்து, வடிகட்டி ஒரு பக்கமாக வைக்கவும். சாதத்தில் 1/2 கப் தண்ணீர் விட்டு குழைய வேக விடவும். அடுப்பில் சிறிய கடாயை வைத்து எண்ணெய் விடவும். காய்ந்ததும், கடுகு, கறிவேப்பிலை, காய்ந்த மிளகாய் சேர்த்து தாளிக்கவும். இதனுடன் தனியா தூள், சாம்பார் பொடி, மிளகாய் தூள் மற்றும் புளி தண்ணீர் விட்டு சில நிமிடங்கள் கொதிக்க விடவும். இந்த கலவையை வேக வைத்த பருப்பு மற்றும் காய்கறி கலவையுடன் சேர்க்கவும். இதனுடன் வேகவைத்த சாதம், நெய் சிறிது தண்ணீர் மற்றும் தேவையான அளவு உப்பு சேர்த்து நன்கு கிளறி சில நிமிடங்கள் கொதிக்க விடவும். இறுதியாக கொத்தமல்லி இலை தூவி கிளறி பரிமாறவும். Notes: <a href="/recipes/Prawn-fry">இறால் வறுவல்</a>/<a href="/recipes/Spicy-Fish-Fry">ஃபிஷ் ஃபிரை </a> /<a href="/recipes/Lamb-coconut-fry">பொடிக்கறி</a> ஆகியவற்ற்றுடன் சாப்பிட சுவையாக இருக்கும்.