முட்டை மசாலா

முட்டை மசாலா, நெய் சாதம்/குஸ்கா ஆகியவற்றுக்கு ஏற்ற சைட் டிஷ் ஆகும்.

Preparation Time : 10 நிமிடங்கள்

Cooking Time : 20-30 நிமிடங்கள்

Ingredients:

முட்டை – 4
எண்ணெய் – 2 மேசைக்கரண்டி
பட்டை – 3cm நீளத் துண்டு
கிராம்பு – 2
வெங்காயம் – 150 கிராம் அல்லது 1 (பெரியது )
பச்சை மிளகாய் – 2
இஞ்சி-பூண்டு விழுது – 1 தேக்கரண்டி
துருவிய தேங்காய் – 3 மேசைக்கரண்டி
நறுக்கிய கொத்தமல்லி இலை – 2 தேக்கரண்டி
தண்ணீர் – தேவைக்கேற்ப
உப்பு – சுவைக்கேற்ப

மசாலாத் தூள்:

மஞ்சள் தூள் – 1/4 தேக்கரண்டி
மிளகாய்த் தூள் – 1/2 தேக்கரண்டி
சீரகத் தூள் - 1/4 தேக்கரண்டி
மிளகுத் தூள் – 1/2 தேக்கரண்டி

Method:

வெங்காயம், மிளகாய் மற்றும் கொத்தமல்லித்தலையை நறுக்கிக்கொள்ளவும். தேங்காயைத் துருவிக் கொள்ளவும்.
கொதிக்கும் நீரில் முட்டையை 7-8 நிமிடங்கள் வேக வைக்கவும். பிறகு, குளிர்ந்த நீரில் முட்டைகளை குளிர்விக்கவும்.
அடுப்பில் ஒரு கடாய் வைத்து, அதில் எண்ணெய் ஊற்றவும். எண்ணெய் கொதித்தவுடன், பட்டை மற்றும் கிராம்பு சேர்த்து வறுக்கவும்.
அதனுடன், நறுக்கிய வெங்காயம் சேர்த்து மிதமான தீயில் பொன்னிறமாகும் வரை வறுக்கவும்.
வெங்காயம், பட்டை, கிராம்பு ஆகியவற்றை எண்ணெயில் இருந்து தனியே எடுத்து வைக்கவும். அவை ஆறியவுடன், அவற்றுடன் துருவிய தேங்காய் மற்றும் சிறிதளவு தண்ணீர் சேர்த்து நைசாக அரைக்கவும்.
கடாயை மீண்டும் சூடாக்கி, மிளகாய் மற்றும் இஞ்சி-பூண்டு விழுது சேர்த்து வறுக்கவும். அத்துடன் மஞ்சள் தூள், மிளகாய்த் தூள், மிளகுத் தூள், சீரகத் தூள் ஆகியவற்றை சேர்த்து ஒரு நிமிடம் கிளறவும்.
அரைத்த தேங்காய் விழுது, உப்பு, 1/2 கப் தண்ணீர் சேர்க்கவும். கடாயை மூடி மசாலாவை 4-5 நிமிடங்கள் மிதமான தீயில் கொதிக்க வைக்கவும்.
முட்டை குளிர்ந்தவுடன், அவற்றின் ஓடை நீக்கி 2-3 கீறல் கீறி கடாயில் சேர்த்து சில நிமிடங்கள் சமைக்கவும்.
நறுக்கிய கொத்தமல்லி இலையை தூவி முட்டை மசாலாவை சூடாக பரிமாறவும்.

Notes:

<a href="/recipes/tamarind-rice">புளி சாதம்</a>, <a href="/recipes/Ghee-Butter-Rice">நெய் சாதம்</a>,குஸ்கா அல்லது <a href="/recipes/coconut-milk-rice">தேங்காய்ப்பால் சாதம்</a> ஆகியவற்றுக்கு ஏற்றது. இதையே கொஞ்சம் ஜாஸ்தி தண்ணீர் ஊற்றி செய்தால் குழம்பாகவும் சாப்பிடலாம்.