தேங்காய் பால் முட்டை குழம்பு   தேங்காய் பால் முட்டை குழம்பு என்பது தேங்காய் பால் குழம்பில் முட்டையை பொத்து ஊத்தி செய்யப்படும் சுவையான குழம்பாகும். Preparation Time : 5 நிமிடங்கள் Cooking Time : 15-20 நிமிடங்கள் Ingredients: முட்டை – 4 எண்ணெய் – 3 மேசைக்கரண்டி இலவங்க பட்டை – 4 cm நீள சன்னத் துண்டு கிராம்பு – 4 ஏலக்காய் – 1 வெங்காயம் – 2 சிறியது பச்சை மிளகாய் – 3 மிதமான காரத்திற்கு அல்லது 4 அதிக காரத்திற்கு இஞ்சி-பூண்டு விழுது – 1 ½ தேக்கரண்டி மஞ்சள் தூள் – 1/4 தேக்கரண்டி மிளகாய் தூள் – 1/2 தேக்கரண்டி சீரக தூள் – 1 தேக்கரண்டி சோம்பு தூள் – 1/2 தேக்கரண்டி (விரும்பினால்) எலுமிச்சை சாறு – 2 மேசைக்கரண்டி கெட்டியான டின் தேங்காய் பால் – 7 மேசைக்கரண்டி அல்லது 35௦ மில்லி வீட்டில் செய்த தேங்காய் பால் நறுக்கிய கொத்தமல்லி இலை – 1 தேக்கரண்டி அலங்கரிக்க தண்ணீர் – தேவைக்கேற்ப உப்பு – சுவைக்கேற்ப Method: வெங்காயம் மற்றும் கொத்‌தமல்லி இலைகளை நறுக்கிக்கொள்ளவும். பச்சை மிளகாயை வெட்டிக் கொள்ளவும். ஒரு கடாயை சூடாக்கி எண்ணெய் சேர்க்கவும். எண்ணெய் சூடானதும், பட்டை, ஏலக்காய் மற்றும் கிராம்பு சேர்த்து 1/2 நிமிடம் வறுக்கவும். நறுக்கிய வெங்காயத்தை எண்ணெயில் சேர்த்து மிதமான சூட்டில் பொன்னிறமாகும் வரை கலக்கவும். மிளகாய் மற்றும் இஞ்சி-பூண்டு விழுது சேர்த்து 2 நிமிடங்கள் வறுக்கவும். மஞ்சள் தூள், மிளகாய் தூள், மல்லித் தூள் மற்றும் சோம்பு தூள் சேர்த்து 1 நிமிடம் கலக்கவும். உப்பு, 2 கப் தண்ணீர், தேங்காய் பால் சேர்க்கவும். வீட்டில் தயாரித்த தேங்காய் பால் சேர்த்தால் தண்ணீரின் அளவைக் குறைத்துக் கொள்ளவும். எலுமிச்சை சாறு சேர்த்து மூடி வைத்து 4-5 நிமிடங்கள் மிதமான சூட்டில் கொதிக்க விடவும். அடுப்பை நிறுத்தவும். முட்டையை உடைத்து ஒரு ஆப்பையில் ஊற்றி கடாயில் ஊற்றவும். மேலே உள்ள செய்முறையை எல்லா முட்டைகளுக்கும் பின்பற்றவும். முட்டையை ஒன்றின் மீது ஒன்று ஊற்றாமல் பார்த்துக் கொள்ளவும். மூடி வைத்து 4-5 நிமிடங்கள் சமைக்கவும். நறுக்கிய கொத்தமல்லி இலையால் அலங்கரிக்கவும். தேங்காய் பால் முட்டை குழம்பு பரிமாறத் தயார். Notes: சாதம்/சப்பாத்தி/ பரோட்டா அல்லது கோதுமை/மைதா தோசை ஆகியவற்றுக்கு பொருந்தும். பச்சை முட்டைக்கு பதிலாக வேக வைத்த முட்டையை பயன் படுத்தலாம்.