இடியாப்ப சோறு   மிஞ்சிப் போன இடியாப்பத்தை முட்டை சேர்த்து சுவையாக சாப்பிடலாம். Preparation Time : 10 நிமிடங்கள் Cooking Time : 10-15 நிமிடங்கள் Ingredients: இடியாப்பம் ¬– 9-10 முட்டை – 3 வெங்காயம் – 100 கிராம் பச்சை மிளகாய் – 1 மிதமான காரத்துக்கு அல்லது 2 அதிக காரத்துக்கு நுணுக்கிய மிளகு – 1 தேக்கரண்டி இஞ்சி-பூண்டு விழுது - 1 தேக்கரண்டி தேங்காய் பால்/பசும் பால் – 1௦௦ மில்லி கிராம்பு – 2 எண்ணெய் – 2-3 மேசைக்கரண்டி நெய் – 2-3 தேக்கரண்டி முந்திரி – 7-8 (விரும்பினால்) கொத்தமல்லி இலை நறுக்கியது – 1/2 மேசைக்கரண்டி Method: ஒவ்வொரு முந்திரியையும் பாதியாக உடைத்துக் கொள்ளவும். வெங்காயம் மற்றும் மிளகாயை பொடியாக நறுக்கிக் கொள்ளவும். ஒரு அகலமான கோப்பையில் தேங்காய் பால் / பசும் பாலை வைக்கவும். இடியாப்பத்தை பாலில் நனைத்து சிறு துண்டுகளாக பிய்த்து ஒரு தட்டில் எடுத்து வைக்கவும். எல்லா இடியாப்பத்துக்கும் இதே முறையை பின்பற்றவும். முட்டையை உடைத்து ஒரு கோப்பையில் வைக்கவும். இப்போதைக்கு அடிக்க வேண்டாம். நான்-ஸ்டிக் கடாயை சூடாக்கி எண்ணெய் சேர்க்கவும். எண்ணெய் சூடானதும், கிராம்பு சேர்க்கவும். நறுக்கிய வெங்காயம், மிளகாய், இஞ்சி-பூண்டு விழுது மற்றும் மிளகு சேர்த்து சில நிமிடங்கள் வதக்கவும். முட்டை, முக்கால் பங்கு நறுக்கிய கொத்தமல்லி இலை மற்றும் உப்பு சேர்த்து 3-4 நிமிடங்கள் அல்லது முட்டை பாதி வேகும் வரை கிளறவும். இடியாப்ப துண்டுகள் மற்றும் இடியாப்பம் ஊற வைத்த பாலை சேர்க்கவும். பால் மீதம் இல்லை எனில், 5௦ மில்லி பசும்பால் சேர்க்கவும். நன்றாக கிண்டி நெய் சேர்க்கவும். ஒரு கிண்ணத்தில் பரிமாறவும். மீதமிருக்கும் கொத்தமல்லி இலை கொண்டு அலங்கரிக்கவும். Notes: மாற்றத்திற்கு <a href="/recipes/Sweet-idiyaappam-egg">இனிப்பான இடியாப்ப சோறு</a> செய்து பார்க்கலாம்.