தால்ச்சா

• துவரம் பருப்பு – 125 கிராம் அல்லது 1/2 அல்லது 25௦ மில்லி டீ கப்
• கடலை பருப்பு – 3௦ கிராம் அல்லது 2 மேசைக்கரண்டி
• இஞ்சி-பூண்டு விழுது – 2 தேக்கரண்டி
• பட்டை – 1 inch நீள துண்டு
• கிராம்பு – 2
• வெங்காயம் – 1 நடுத்தர அளவு
• தக்காளி – 2 நடுத்தர அளவு
• பச்சை மிளகாய் – 3
• கத்திரிக்காய் – 7-8 சிறியது அல்லது 200 கிராம்
• மாங்காய் – 2-3 2” துண்டுகள்
• சமையல் எண்ணெய் – 3 மேசைக்கரண்டி
• கருவேப்பிலை – 1 கொத்து
• நறுக்கிய கொத்தமல்லி இலை – 2-3 தேக்கரண்டி (விரும்பினால்)
• புளி – 1 inch அளவு
• வெந்நீர் – 1௦௦ மில்லி

மசாலா தூள்:

• மஞ்சள் தூள் – 1/4 தேக்கரண்டி
• மிளகாய் தூள் – 1 தேக்கரண்டி மிதமான காரத்துக்கு அல்லது 2 தேக்கரண்டி அதிக காரத்துக்கு
• கொத்‌தமல்லித் தூள் – 1 தேக்கரண்டி

தயாரிக்கும் முறை

1. பருப்பை அலசி வடிக்கவும்.
2. வெங்காயம், தக்காளி மற்றும் கொத்தமல்லி இலையை நறுக்கிக்கொள்ளவும். பச்சை மிளகாயை கீறிக் கொள்ளவும்.
3. கத்திரிக்காயை 1 inch துண்டுகளாக நறுக்கிக்கொள்ளவும்; மாங்காயை 2 inch துண்டுகளாக வெட்டிக்கொள்ளவும்.
4. புளியை கழுவி வெந்நீரில் ஊற வைக்கவும். புளியைக் கரைத்து புளி சாற்றை தனியாக வைத்துக் கொள்ளவும்.

சமையல் முறை:

1. பிரஷர் குக்கரை அடுப்பில் வைத்து சூடாக்கிக் கொள்ளவும்.
2. இரு பருப்பு, 3௦௦ மில்லி தண்ணீர் மற்றும் பாதி மஞ்சள் தூள் சேர்த்து, சட்டியை மூடி, பிரஷரில் சமைக்கவும். 2 விசிலுக்குப் பிறகு அடுப்பை நிறுத்தி பிரஷர் அடங்கியவுடன் திறக்கவும்.
3. சமைத்த பருப்பை தனியாக வைக்கவும்.
4. 4-5லிட்டர் பிரஷர் குக்கரை அடுப்பில் வைத்து சூடாக்கி எண்ணெய் சேர்க்கவும்.
5. பாதி கருவேப்பிலை, பட்டை மற்றும் கிராம்பு சேர்க்கவும்.
6. நறுக்கிய வெங்காயம் சேர்த்து மிதமான சூட்டில் பொன்னிறமாக விடவும்.
7. மிளகாய், இஞ்சி-பூண்டு விழுது சேர்த்து 2 நிமிடங்கள் வறுக்கவும்.
8. மீதமுள்ள மஞ்சள் தூள், மிளகாய் தூள், மல்லித் தூள், உப்பு, தக்காளி, கொத்தமல்லி இலை மற்றும் கத்திரிக்காய் சேர்த்து 3-4 நிமிடங்கள் வதக்கவும்.
9. 25௦ மில்லி தண்ணீர் சேர்த்து, சட்டியை மூடி, பிரஷரில் 1 விசில் வரும் வரை சமைக்கவும்; அடுப்பை நிறுத்தி, தண்ணீர் குழாயின் அடியில் சட்டியை வைத்து பிரஷர் நீங்கச் செய்து மூடியைத் திறக்கவும்.
10. சமைத்த பருப்பு மற்றும் மாங்காயை காய்கறி பாத்திரத்தில் சேர்த்து கலக்கவும்.
11. மாங்காய் சேர்த்தால் புளியின் அளவை பாதியாக குறைத்துக் கொள்ளவும்.
12. புளி சாறு சேர்த்து கலக்கி சில நிமிடங்கள் மிதமான சூட்டில் கொதிக்க விடவும்.
13. குழம்பு கெட்டியாக இருந்தால் தண்ணீர் சேர்த்து கொதிக்க விடவும்.
14. மீதமுள்ள கருவேப்பிலை கொண்டு அலங்கரிக்கவும்.
15. தால்ச்சா பரிமாறத் தயார்.