வெண்டிக்காய் மசாலா

• வெண்டிக்காய் - 300 கிராம்
• வெங்காயம் - 250 கிராம் அல்லது 3
• தக்காளி - 250 கிராம் அல்லது 4
• பச்சை மிளகாய் - 1 (விரும்பினால்)
• பூண்டு - 1 பல்
• தக்காளி ப்யூரி(Puree) - 1 டீஸ்பூன்
• இஞ்சி-பூண்டு விழுது - 1 1/2 டீஸ்பூன்
• எண்ணெய் - 3 டேபிள் ஸ்பூன் மற்றும் 1 டேபிள் ஸ்பூன் இறுதியில் சேர்ப்பதற்கு
• தண்ணீர் - தேவையான அளவு
• உப்பு - சுவைக்கேற்ப
• கொத்தமல்லித் தழை - சிறிது

மசாலா பொடிகள்

• மஞ்சள் தூள் - 1/4 டீஸ்பூன்
• மிளகாய் தூள் - 1½ டீஸ்பூன் மிதமான காரத்திற்கு அல்லது 2 1/2 டீஸ்பூன் அதிக காரத்திற்கு
• கரம் மசாலா - 1/4 டீஸ்பூன்
• கொத்தமல்லி தூள் - 1 டீஸ்பூன்

1. வெண்டிக்காய்களை கழுவி சுத்தமான துணியால் துடைத்து வைக்கவும்.
2. ஒவ்வொரு வெண்டிக்காயையும் 2-3 துண்டுகளாக நறுக்கிக் கொள்ளவும்.
3. வெங்காயம் மற்றும் தக்காளியை பொடியாக நறுக்கிக் கொள்ளவும்.
4. கடாயை சூடு செய்து 3 டேபிள் ஸ்பூன் எண்ணெயை சேர்க்கவும்.
5. அதில் வெண்டிக்காய் துண்டுகளை சேர்த்து 4-5 நிமிடங்களுக்கு வறுத்து அதை தனியாக எடுத்து வைத்துக் கொள்ளவும்.
6. பிறகு அதே எண்ணெயில் நறுக்கி வைத்துள்ள வெங்காயத்தை சேர்த்து 7-8 நிமிடங்களுக்கு, நன்கு சிவக்கும் வரை வதக்கிக் கொள்ளவும்.
7. அதில் இஞ்சி பூண்டு விழுது சேர்த்து மேலும் ஒரு நிமிடத்திற்கு வதக்கவும்.
8. தக்காளி மற்றும் அனைத்து மசாலா பொடி வகைகளையும் சேர்த்து மேலும் 3-4 நிமிடங்களுக்கு வதக்கிக் கொள்ளவும்.
9. வறுத்து வைத்துள்ள வெண்டிக்காய்களையும் , தக்காளி ப்யூரியையும் அதனுடன் சேர்த்து கிளறவும். கடாயை மூடாமல் மேலும் 4-5 நிமிடங்களுக்கு வதக்கிக் கொள்ளவும்.
10. அதனுடன் 100 மிலி தண்ணீர் மற்றும் 1 டேபிள்ஸ்பூன் எண்ணெய் சேர்த்து, கொதிக்க ஆரம்பித்தவுடன், தீயை குறைத்து மூடி வைத்து மேலும் 5-6 நிமிடங்களுக்கு வேக விடவும்.
11. தேவைப்பட்டால் மேலும் சிறிது தண்ணீர் சேர்த்துக் கொள்ளவும்.
12. கொத்தமல்லித் தழை தூவி அலங்கரிக்கவும்.