சிக்கன் பீன்ஸ் மசாலா

• எலும்பில்லாத சிக்கன் - 350 கிராம் (சிறு துண்டுகள்)
• பச்சை பீன்ஸ் - 150 கிராம்
• வெங்காயம் - 150 கிராம் அல்லது 2
• தக்காளி- 150 கிராம் அல்லது 2
• இஞ்சி பூண்டு விழுது - 11/2 தேக்கரண்டி
• பச்சை மிளகாய் - 1 (விரும்பினால்)
• பட்டை - 1" அளவு
• கொத்தமல்லி இலை - சிறிதளவு
• எண்ணெய் - 3 மேசைக்கரண்டி
• தக்காளி விழுது - 1 தேக்கரண்டி (தேவையென்றால்)
• உப்பு - சுவைக்கேற்ப
• தண்ணீர் - தேவைக்கேற்ப

ஊறவைக்க:

• இஞ்சி-பூண்டு விழுது - 1 தேக்கரண்டி
• காடி (Vinegar) - 2 மேசைக்கரண்டி
• மஞ்சள் தூள் - 1/4 தேக்கரண்டி
• உப்பு - 1/2 தேக்கரண்டி

மசாலா பொடிகள்:

• மஞ்சள் தூள் - 1/4 தேக்கரண்டி
• மிளகாய் தூள் - 1 தேக்கரண்டி
• சீரகத் தூள் - 1/2 தேக்கரண்டி

1. ஊறவைக்க குறிப்பிடப்பட்ட பொருட்களை சேர்த்து சிக்கன் துண்டுகளை குறைந்தது 1 மணி நேரத்திற்கு அதில் ஊறவைக்கவும். பச்சை பீன்ஸ், வெங்காயம் தக்காளி பச்சை மிளகாய், கொத்தமல்லி ஆகியவற்றை பொடி பொடியாக நறுக்கவும். சூடான நாண் - ஸ்டிக் கடாயில் சிக்கன் சேர்த்து 2 -3 நிமிடங்கள் பொறித்து எடுத்து தனியாக வைக்கவும்.
2. பின்பு அதே கடாயில் பட்டை, வெங்காயம் சேர்த்து 4-5 நிமிடங்கள் வறுக்கவும்.
3. அத்துடன் இஞ்சி பூண்டு விழுது, தக்காளி, பச்சை மிளகாய், மசாலா பொடிகள் சேர்த்து 2-3 நிமிடங்கள் கிளரவும்.
4. பின்பு, பச்சை பீன்ஸ் சேர்த்து 3-4 நிமிடங்கள் வதக்கவும்.
5. மேலும் இதனுடன் சிக்கன் துண்டுகள் மற்றும் தக்காளி விழுது சேர்த்து கிளறவும்.
6. பாத்திரத்தை மூடி 5-6 நிமிடங்கள் மிதமான சூட்டில் (கெட்டியாகும் வரை) வேகவிடவும்.
7. அடிபிடிக்காமல் இருப்பதற்கு 1-2 தேக்கரண்டி எண்ணெய் சேர்த்து சமைக்கவும்.
8. கொத்தமல்லி இலைகள் தூவி பரிமாறவும்.