உருளைக்கிழங்கு-மட்டன் மசாலா

உருளைக்கிழங்கு-மட்டன் மசாலா, ஆட்டு இறைச்சியுடன் உருளைக்கிழங்கு சேர்த்து சமைக்கப்படும் ஒரு சைடு-டிஷ்.

Posted by ShareRecipes Staff

26/05/2014

Click to rate this post!

[Total: 4 Average: 4.8]

Please rate it

தயாரிப்பு நேரம் : 10 நிமிடங்கள்

சமைக்கும் நேரம் : 30-45 நிமிடங்கள்

செய்முறை புகைப்படத்தைப் பதிவேற்றுக

உணவு : ஆசிய உணவு»இந்திய உணவு»முக்கிய உணவு»

குறிச்சொற்கள் : chapati side dish, Mutton

பிரதான மூலப்பொருள் : ஆட்டு இறைச்சி உருளைக்கிழங்கு

செய்முறை வகை : மதிய உணவு

தேவையான பொருட்கள் :

ஆட்டுக் கறி/ மட்டன் – 5௦௦ கிராம்
உருளைக்கிழங்கு – 2 சிறியது
வெங்காயம் – 250 கிராம்
தக்காளி – 3
இஞ்சி-பூண்டு விழுது – 3 தேக்கரண்டி
மஞ்சள் தூள் – 1/2 தேக்கரண்டி
மிளகாய் தூள் – 1 தேக்கரண்டி மிதமான காரத்துக்கு அல்லது
2 தேக்கரண்டி அதிக காரத்துக்கு
பச்சை மிளகாய் – 1
ஜீரகத் தூள் – 1/2 தேக்கரண்டி (விரும்பினால்)
பட்டை – 1” நீள துண்டு
கொத்தமல்லி இலை நறுக்கியது – 2 தேக்கரண்டி
எண்ணெய் – 4 மேசைக்கரண்டி மற்றும் 2 தேக்கரண்டி இறுதியில்
உப்பு – சுவைக்கேற்ப
தண்ணீர் – தேவைக்கேற்ப

முறை :

உருளைக்கிழங்கை 2cm அளவு துண்டுகளாக வெட்டிக் கொள்ளவும்; வெங்காயம், தக்காளி, கொத்தமல்லி இலையை நறுக்கிக் கொள்ளவும்; பச்சை மிளகாயை கீறிக் கொள்ளவும்.
பிரஷர் குக்கரில் எண்ணெய்யை சூடாக்கி, உருளைக்கிழங்கு சேர்த்து சில நிமிடங்கள் வறுக்கவும். அவற்றை குக்கரில் இருந்து நீக்கி தனியாக வைக்கவும்.
பட்டை மற்றும் வெங்காயத்தை பிரஷர் குக்கரில் சேர்த்து பொன்னிறமாகும் வரை வதக்கவும்.
இஞ்சி-பூண்டு விழுது சேர்த்து ஒரு நிமிடம் வதக்கவும்.
நறுக்கிய தக்காளி, மிளகாய், மஞ்சள் தூள், மிளகாய் தூள் மற்றும் ஜீரகத் தூள் சேர்த்து கிளறி 3-4 நிமிடங்கள் வதக்கவும்.
மட்டன் துண்டுகளை உப்புடன் சேர்த்துக் 3-4 நிமிடங்கள் கிளறவும்.
மூடி வைத்து மிதமான சூட்டில் பிரஷரில் சமைக்கவும். முதல் விசில் வந்தவுடன், அடுப்பைக் குறைத்து 15 நிமிடங்கள் பிரஷரில் சமைக்கவும். பிரஷர் அடங்கியவுடன் மூடியைத் திறக்கவும்.
மிதமான சூட்டில் குழம்பு கெட்டியாகும் வரை கொதிக்க விடவும். அடி பிடிக்காமல் இருக்க 2 தேக்கரண்டி எண்ணெய் சேர்க்கவும்.
கொத்தமல்லி இலை கொண்டு அலங்கரிக்கவும்

குறிப்புகள் : இது சாதம்/சப்பாத்தி/நாணுடன் சாப்பிட ஏற்றது. மாறுதலுக்கு பீட்ரூட் மற்றும் மட்டன் மசாலா முயற்சிக்கலாம். சமையல் குறிப்பு கவனிக்கவும்.

மற்ற பெயர்கள் : potato mutton masala, urulaikkizhangu mutton masala

இந்த செய்முறையில் பயன்படுத்தப்பட்டதை விட வேறுபட்ட பொருட்களை நீங்கள் பயன்படுத்தினால் அல்லது மாற்று முறையைப் பயன்படுத்தினால், கிளிக் செய்க இங்கே உங்கள் மாறுபாட்டை இடுகையிட.