ஜிஞ்ஜர் சிக்கன்

சப்பாத்தி/ நாண் ஆகியவற்றுக்கு தொட்டுக் கொள்ள ஏற்றது.

Posted by ShareRecipes Staff

04/03/2014

Click to rate this post!

[Total: 1 Average: 4]

Please rate it

தயாரிப்பு நேரம் : 10 நிமிடங்கள்

மரினேஷன் நேரம் :2-3 மணி நேரம்

சமைக்கும் நேரம் : 10-15 நிமிடங்கள்

செய்முறை புகைப்படத்தைப் பதிவேற்றுக

உணவு : ஆசிய உணவு»இந்திய உணவு»முக்கிய உணவு»

குறிச்சொற்கள் : chapati side dish, Chicken

பிரதான மூலப்பொருள் : கோழி இறைச்சி

செய்முறை வகை : இரவு உணவு மதிய உணவு

தேவையான பொருட்கள் :

எலும்பில்லாத சிக்கன் - 500 கிராம் (சிறிய துண்டுகள்)
வெங்காயம் - 300 கிராம் அல்லது 2 நடுத்தர அளவு
இஞ்சி - 1" அகலமான 1" நீட்டமான துண்டு
இஞ்சி-பூண்டு விழுது - 2 தேக்கரண்டி
மஞ்சள் தூள் - 1/4 தேக்கரண்டி
மிளகாய் தூள் - 1 தேக்கரண்டி
பச்சை மிளகாய் - 2
மிளகுத் தூள் - 1/2 தேக்கரண்டி
சீரகத் தூள் - 1/2 தேக்கரண்டி
கரம் மசாலா - 1/2 தேக்கரண்டி
எலும்பிச்சை சாறு - 2 மேசைக்கரண்டி
கொத்தமல்லி இலை நறுக்கியது - 1 மேசைக்கரண்டி
சிக்கன் ஸ்டாக் - 100 மி.லி
சர்க்கரை - 1/2 டீஸ்பூன்
எண்ணெய் - 4 மேசைக் கரண்டி
நெய் - 1 டீஸ்பூன் (விரும்பினால் )
தண்ணீர் - தேவையான அளவு
உப்பு - தேவையான அளவு

முறை :

உப்பு, மஞ்சள் தூள், இஞ்சி, பூண்டு விழுது, பாதி எலுமிச்சை சாறு ஆகியவற்றுடன் சிக்கனை சேர்த்து குறைந்தது 2 மணி நேரத்திற்கு ஊறவைக்கவும்.
வெங்காயம் மற்றும் கொத்தமல்லி இலைகளை நறுக்கிக் கொள்ளவும். இஞ்சியை நீட்டமான மெல்லிய துண்டுகளாக வெட்டிக் கொள்ளவும். பச்சை மிளகாயை கீறிக் கொள்ளவும்.
இஞ்சி துண்டுகளை மீதமிருக்கும் எலுமிச்சை சாறில் ஊறவைக்கவும்.
கடாயை அடுப்பில் வைத்து , 2 மேசைக்கரண்டி எண்ணெயை ஊற்றவும்.
எண்ணெய் சூடானவுடன் , அதில் வெங்காயம் மற்றும் கொத்தமல்லி இலைகளை சேர்த்து 4-5 நிமிடங்களுக்கு நன்கு வதக்கவும். பின்பு அதனை ஆறவைத்து அரைத்துக் கொள்ளவும்.
மீதம் உள்ள எண்ணெயை கடாயில் ஊற்றவும்.
சில இஞ்சி துண்டுகளை அலங்கரிப்பதற்காக எடுத்து வைத்துவிட்டு, மற்ற இஞ்சி துண்டுகளை கடாயில் சேர்த்து வறுக்கவும் .
ஊறவைத்த சிக்கன் துண்டுகளை கடாயில் போட்டு, பொன்நிறம் வரும்வரை வறுக்கவும்.
அரைத்து வைத்த கலவை, பச்சை மிளகாய், உப்பு, மிளகாய் தூள், மிளகுத் தூள், சீரகத் தூள் மற்றும் கரம் மசாலா ஆகியவற்றை சிக்கனுடன் சேர்த்து, சில நிமிடங்களுக்கு கிளறவும் .
சிக்கன் ஸ்டாக், சர்க்கரை மற்றும் இஞ்சி துண்டுகள் ஊறிய எலும்பிச்சை சாறு ஆகியவற்றை சேர்க்கவும். சில நிமிடங்களுக்கு மூடி வைக்கவும்.
மூடியை திறந்து, நெய் ஊற்றி எண்ணெய் விடும் வரை கொதிக்க வைக்கவும்.
இஞ்சி துண்டுகளை கொண்டு அலங்கரித்து பரிமாறவும்

குறிப்புகள் : மாற்றத்திற்கு வெந்தய சிக்கன்- ஐ முயற்சிக்கவும்.

இந்த செய்முறையில் பயன்படுத்தப்பட்டதை விட வேறுபட்ட பொருட்களை நீங்கள் பயன்படுத்தினால் அல்லது மாற்று முறையைப் பயன்படுத்தினால், கிளிக் செய்க இங்கே உங்கள் மாறுபாட்டை இடுகையிட.